മിഠായിച്ചാറ് മേലാകെ പുരണ്ട ഒരു കുട്ടി

പായലുപിടിച്ച ഏഴ്‌ പടികളിലേക്ക്,
മോശമായി പരിപാലിച്ചിരിക്കുന്ന
പൂന്തോട്ടത്തിലേക്ക്,
എന്നെ പ്രവേശിപ്പിക്കാനുള്ള
വിക്ടോറിയൻ പൂട്ടിന്റെ ഉപരിതലം
കടുപ്പമുള്ളത്
തുറക്കാൻ പ്രയാസപ്പെടേണ്ടുംവിധം
പിരി മുറുകിയത്.

സ്നേഹരാഹിത്യത്താൽ
നശിപ്പിക്കപ്പെട്ട പൂക്കൾക്കിടയിലൂടെ
ആരാണ്
എന്നെ ഓർമ്മകളിലേക്ക്
ഓടിക്കുന്നത്?
തവിട്ട് കണ്ണുകളും മുടിയുമുള്ള
മേലാകെ മിഠായിച്ചാറ് പുരണ്ട
ആ കുട്ടിയോ?

ഞാൻ അവന്റെ കവിളുകൾ നക്കുന്നു.
അവനെ വായുവിലേക്ക്
പൊക്കിയിടുന്നു.
രണ്ടുവട്ടം,
അവൻ അപ്രത്യക്ഷനാകുന്നു.

പതിനഞ്ചു വർഷങ്ങൾക്ക്ശേഷം
അവൻ ഇറങ്ങിവരുന്നു,
നീട്ടിവയ്ക്കപ്പെട്ട ഒരു കുട്ടിയായിട്ടല്ല,
ഒരു കത്തായിട്ട്:

ഇപ്പോൾ ഒരു വീടോ, ഉദ്യാനമോ
ഒരു താക്കോൽ പോലുമോ
സ്വന്തമായില്ലാത്ത,
അവന്റെ അച്ഛനെക്കുറിച്ച്
എന്നോട് തിരക്കുന്ന
ഒരു കത്ത്.

(ഇന്ത്യൻ ഇംഗ്ലീഷ്)

original title: the key

ഡൊമിനിക് ഫ്രാൻക് മൊറായ്‌സ് 1928ൽ
ബോംബെയിൽ ജനിച്ചു. ബോംബെയിലും
Oxford ലും വിദ്യാഭ്യാസം. oxford ൽ
അധ്യാപകനായിരുന്നു.പത്തോളം കവിതാ
സമാഹാരങ്ങളും ഇരുപത്തഞ്ചോളം
ഗദ്യകൃതികളും പ്രസിദ്ധീകരിച്ചു. അവസാന
കാലങ്ങളിൽ ബോംബെയിൽ ആയിരുന്നു.

വിവ: നടരാജൻ ബോണക്കാട്

°tr 156

natilles

 216 കാഴ്ച