പോളോ റോസ്സി

1982 ലെ ലോക  കപ്പിലെ ഗ്രൂപ്പിലെ  പെറുവുമായുള്ള  മത്‌സരം ,ആദ്യ  മത്സരത്തിൽ കരുത്തരായ പോളണ്ടിനെ  സമനിലയിൽ  തളച്ച  അസ്സൂറികൾ ആദ്യ  മിനുട്ടിൽ  നേടിയ  ലീഡ്  കളഞ് ,സമനിലയിൽ . പോളോ  റോസിയുടെ ഉയർത്തെഴുനേൽപ്പിനായി  കാത്തു  നിന്ന ആരാധാരകരെ നിരാശരാക്കി  ആദ്യ  പകുതിക്ക്  ശേഷം  അയാൾ  ബെഞ്ചിലേക്ക്  മടങ്ങുന്നു .            

കൃത്യം  നാല്  കൊല്ലങ്ങൾക്ക്  മുൻപ്  റോസ്സി  ഇറ്റലിയുടെ  പ്രതീക്ഷയായിരുന്നു . 3 ഗോളുകൾ   നേടി  നല്ല  കളിക്കാരനുള്ള  സിൽവർ  ബോൾ  വാങ്ങിയാണ്  അയാൾ  അന്ന്  അർജന്റീന  വിട്ടത് .

Advertisement

• 

തൊട്ടടുത്ത  കൊല്ലം  തന്നെ  റോസ്സി  ലോകത്തിലെ  ഏറ്റവും  വിലപിടിപ്പുള്ള  താരമായി  . മുൻ  വര്ഷങ്ങളിലെ  seri  A  യിലും  ബി യിലും  ടോപ്  സ്‌കോറർ  ആയതൊഴിച്ചാൽ  അയാളുടെ  പ്രതിഭയെ  ചരിത്രത്തിൽ  അടയാളപ്പെടുത്താനായി  ഒന്നും  തന്നെയില്ലായിരുന്നു  .

ആ കാലത്താണ് ഒത്തു  കളി  വിവാദത്തിൽ  ക്ലബ്പെട്ട്  റോസ്സി  2 വർഷത്തെ  ബാൻ  വാങ്ങുന്നത്  . ചെയ്യാത്ത  തെറ്റിനാണ്  ശിക്ഷ എന്ന്  പല തവണ  അയാൾ  വിലപിച്ചിട്ടും ,  80 ലെ  ആദ്യ  പകുതി  വരെ  അയാള്ക്ക്  കളിക്കളം  അന്യമായി  . 
         

തിരിച്ചു  വരവിൽ  ജൂവിന്  ആ സീസണിൽ  നേടിയ  ഒരു  ഗോൾ  ഒഴിച്ചാൽ  തീർത്തും  നിരാശാജനകമായിരുന്നു  തിരിച്ചുവരവ് .പിന്നീട്  1982 ഇൽ  ബാർസോട്  തന്നെ  സീനിയർ  ടീമിന്റെ കോച്ചായി  വരുന്നു  .

റോസിയുടെ മുൻകാല പ്രതിഭയെ  തിരിച്ചറിഞ്ഞത്  കൊണ്ടാവണം  റോസ്സി  ടീമിലേക്ക്  എത്തുന്നത്  .ഒട്ടും  ചേരാത്ത  തിരെഞ്ഞെടുപ്പ്  എന്ന്   കാൽപന്ത്  കളിയുടെ ന്യായാധിപകർ   വിധിയെഴുതി. മോശം  ഫോമിലായിട്ടും ,അയാളുടെ  ടീമിലേക്കുള്ള  തിരഞ്ഞെടുപ്പ്  അന്ന് ഏറെ  മാധ്യമ വിമർശനം  ഏറ്റു  വാങ്ങിയിരുന്നു .
           

ലോകകപ്പിലെ  അവസാന  ഗ്രൂപ്  മത്സരം  കാമറൂൺ  ആയി  നടക്കുന്നു  . വിജയിച്ചാൽ  അടുത്ത  റൗണ്ടിലേക്ക് .

റോസ്സി  എന്ന  പ്രതിഭ  ജനിക്കേണ്ടയിടം  . പക്ഷെ  ഒട്ടും  ശോഭിക്കാതെ  അയാൾ  ആ 90 min  കളിച്ചു  തീർത്തു .

വീണ്ടും  സമനിലയിൽ  ഇറ്റലി  . ഗോൾ  ശരാരാശരിയിൽ  മുന്നിലായതിനാൽ  രണ്ടാം  സ്ഥാനക്കാരായി  ഇറ്റലി അടുത്ത  റൗണ്ടിൽ .          

രണ്ടാം  റൌണ്ട് ഗ്രൂപ്‌  ശരിക്കും  ഇതിഹാസ  ഗ്രൂപ്‌  എന്നൊക്കെ  വിളിക്കാവുന്ന,ലോകകപ്പ്  ചരിത്രത്തിലെ  മരണ  ഗ്രൂപ്പ്  എന്നറിയപ്പെട്ട  ആ ഗ്രൂപ്പിൽ  ഇറ്റലിയോടൊപ്പം   രണ്ടു  ടീമുകൾ .

ആദ്യ  മത്‌സരം  മറഡോണ  ,മുൻ  ലോകകപ്പിലെ  ടോപ്  സ്കോററും  മികച്ച  പ്ലെയറും  ആയ കെമ്പസ്സ്  മുന്നേറ്റ നിര നയിക്കുന്ന  അര്ജന്റീന  .

പിന്നെ  സോക്രട്ടറീസ് ,സീക്കോ ,ഫാൽക്കോയും  മുന്നിൽ  നിന്ന്  നയിക്കുന്ന  ബ്രസീൽ .  പോളോറോസ്സി  കളിക്കളത്തിൽ  “ഗതി  ” കിട്ടാതെ  അലയുന്ന  പ്രേതമാണ്  എന്നായിരുന്നു മാധ്യമങ്ങൾ  കളിയാക്കിയത് . അയാളിലെ  പ്രതിഭ  എന്നേ  മരിച്ചിരിക്കുന്നു  എന്നവർ  വിലപിച്ചു . ഒരിക്കലും മായ്ക്കാനാവാത്ത വലിയ  പരാജയവും  കൊണ്ടാവും   അസ്സൂറികൾ  ബാഴ്സിലോണയിലെ  sarriya യിൽ  നിന്ന്  വിട  പറയുന്നത് എന്നവർ മുൻവിധിയെഴുതി . .

“Sometimes the idol does not fall all at once. And sometimes when he breaks, people devour the pieces.”  

എഡ്വേര്‍ഡോ ഗലീനോ പണ്ടൊരിക്കൽ  എഴുതിയത്  അന്വർത്ഥമാക്കുന്നതായിരുന്നു  റോസിയുടെ  ആ കാലം .
         

ജൂൺ  29 ലെ  ആ സായാഹ്നത്തിൽ  കഴിഞ്ഞ  ലോകകപ്പിലെ  ഗോൾഡൻ  ബോൾ  ജേതാവും  സിൽവർ  ബോൾ  ജേതാവും  ഏറ്റുമുട്ടുന്നു .

56 മിനുട്ടിൽ  ടാർഡെല്ലിയുടെ  ഗോളിൽ  ഇറ്റലി  മുന്നിൽ . 68 മിനുട്ടിൽ  കഴിഞ്ഞ  വേൾഡ് കപ്പിലെ  ബെസ്ററ്  യങ്  പ്ലയെർ  ആയി  തിരെഞ്ഞെടുത്ത  കാബ്രിനി അസാധ്യമായ  ഫിനിഷിലൂടെ  ഇറ്റലിക്ക്  ലീഡ് .

അർജന്റീനയുടെ  സകല  ആക്രമണവും  ഇറ്റാലിയൻ പ്രതിരോധത്തിൽ  അവസാനിച്ചു . 80 ആം  മിനുട്ടിൽ  റോസ്സി  ഗോൾ  ഒന്നും  നേടാതെ  മടങ്ങി.

83 ആം  മിനുട്ടിൽ  അര്ജന്റീന  ഒരു ഗോൾ  മടക്കിയെങ്കിലും. ലോകകപ്പിലെ  ആദ്യ  ജയമായി  ഇറ്റലി  ,ബ്രസീൽ  അര്ജന്റീന  കളിക്കായി  കാത്തിരുന്നു .

ബ്രസീൽ  അർജന്റീനയെ  3-1 നു  തകർത്തു  . അടുത്ത  മത്സരത്തിൽ  ജയിച്ചവർ  സെമിക്ക്  യോഗ്യത  നേടും  എന്ന  നിലയിൽ  ഗ്രൂപ്പ്  മത്സരങ്ങൾ .       

ജൂലൈയിലെ  ആ സായാഹ്നത്തിൽ  നാല്പത്തി  നാലായിരം  കാണികളെ  അത്ഭുദപ്പെടുത്തി  അയാൾ  ആദ്യ  പതിനൊന്നുപേരിൽ  സ്ഥാനം  പിടിച്ചു .

‘Fratelli d’Italia’  എന്ന  ദേശീയഗാനം  നെഞ്ചോട്  ചേർത്ത് പിടിച്ചു പാടി  അയാൾ  ടച്ച് ലൈനിലേക്ക്  പോകുമ്പോൾ  അതയാളുടെ  അവസാന  മത്സരമാവും  എന്ന്  കരുതി  .

അഞ്ചാം  മിനുട്ടിൽ   കാബ്രിനി  ഇടതു  പാർശ്വത്തിൽ  നിന്ന്  നൽകിയ  ഒരു  ക്രോസ്സ്  പ്രതിരോധ കളികാർക്കിടയിലൂടെ  ഓടിയെത്തി  ഒരു  മനോഹരമായ  ഹെഡറിലൂടെ റോസി  തന്റെ ടൂർണമെന്റിലെ ആദ്യ  ഗോൾ  കണ്ടെത്തുന്നു  .

പന്ത്രണ്ടാം  മിനുട്ടിൽ  സോക്രടീസിലൂടെ  ബ്രസീൽ  സമനില  നേടുന്നു. 13 മിനിട്ടെ  ആ സമനിലക്ക്  ആയുസുണ്ടായിരുന്നുള്ളൂ.

ഡിഫൻസിലേക്കുള്ള  ഒരു  ലൂസ്  പാസ്  മൂന്ന്  കളിക്കാർക്കിടയിലേക്ക്  കുതിച്ചെത്തിയ  റോസ്സി  പിടിച്ചെടുത്തു  .

അവരൊക്കെയും  മറി  കടന്ന്. ഒരു  ബുള്ളറ്റ്  ഷൂട്ടിലൂടെ  ഗോൾ .  68 ആം  മിനുട്ടിൽ  ഫാൽക്കോയിലൂടെ  വീണ്ടും സമനില  പിടക്കുന്ന  ബ്രസീൽ  ,റോസിയെ  തടയാൻ  പ്രതിരോധ മതിൽ  തീർക്കുന്നു .

74ആം  മിനുട്ടിൽ  അവയെല്ലാം  തകർത്തു റോസ്സി  ഹാട്രിക്  നേടി  , ഇറ്റലിയുടെ  രക്ഷകനായി  അയാൾ മൂന്ന്  ഗോൾ  നേടി   ഉയർത്തെഴുന്നേറ്റു ..
          സെമിഫൈനൽ  പോളണ്ടിനെതിരെ  ആയിരുന്നു  .റോസിയെ  പിടിച്ചു  കെട്ടുക  എന്നത്  തന്നെയായിരുന്നു  കളി  തന്ത്രം .

പക്ഷെ  അയാൾക്ക്  മുന്നിൽ  പോളണ്ട്  വീണുപോയി . കളി  കഴിഞ്  റോസ്സി  ഓടി  ചെന്നത് കോച്ച്  ബാര്സോട്ടിനു  അടുത്തേക്കായിരുന്നു  ,ആലിംഗനം  ചെയ്ത്  അയാൾ  സ്കോർ  ബോർഡിലേക്ക്  ചൂണ്ടിക്കാട്ടി  ഇറ്റലി  2 പോളണ്ട്  0. റോസ്സി  22″,72″..അയാളിൽ  നിന്നുതിർന്നു വീണ  കണ്ണീർ  തന്നിലർപ്പിച്ച  വിശ്വാസത്തിനുള്ള  നന്ദി പ്രകടനം  കൂടിയാവണം  .

അയാളുടെ  വിമര്ശകരെയും  ആരാധകരെയും  ഒന്ന് പോലെ  ആ അശ്രുക്കൾ  പൊള്ളിച്ചു .അയാൾ  ആരാധാരകരെ  ആവേശത്തിലാക്കി  കയ്യുയർത്തി  ഒരിക്കൽ  കൂടി  പറഞ്ഞു  അതെ  അത്  ഞാനാകുന്നു  ..        
         

ലോകോത്തരമായ  ആ രണ്ടുഗോളും  അയാളുടെ  പ്രതിഭ  വിളിച്ചോതുന്നതായിരുന്നു  . അന്ടോഗോണിയുടെ  ഹൈ  ബോൾ  അയാൾ  പിടിച്ചെടുത്തത്  , ഡിഫെൻഡറുടെ  തലക്ക്  മുകളിലൂടെ  വെട്ടിയൊഴിഞ്ഞത്  ,ബോക്സിനു  പുറത്തു  നിന്നുള്ള  ബുള്ളറ്റ്  ഷോട്ടിലൂടെ നേടിയ  രണ്ടാം  ഗോൾ  അങ്ങനെ  ആ 90 മിനുട്ടും റോസ്സി  തന്റെ  ഉയർത്തെഴുനേൽപ്പ്  ആടി  തീർത്തു .

സ്റ്റേഡിയം  വിടുമ്പോൾ  പുറത്തു  പണ്ട്  കളിയാക്കിയ അതെ  മാധ്യമ  പ്രവർത്തകർ  അയാളുടെ  ഒരു  കൂടിക്കാഴ്ചക്ക്  വേണ്ടി കാത്തിരിപ്പുണ്ടായിരുന്നു  .                

ഫൈനൽ  പശ്ചിമ  ജർമനിക്ക്  എതിരെ  .അന്ന്  ബെർലിൻ  മതിൽ  പൊളിഞ്ഞിട്ടില്ല . ദൈവ  തുല്യനായി  ഇരുപതാം  നമ്പറിൽ  റോസ്സി  . ക്യാമറ  കണ്ണുകൾ  മുഴുവൻ  അയാളിലാണ് . ആവനാഴിയിലെ  അവസാന  അസ്ത്രം  അയാൾ  തൊടുക്കുന്നതും  കാത്ത്  ഫ്ലോറൻസിലെയും  മിലാനിലെയും  ടൂറിനിലെയും  ആബാലവൃദ്ധ  ജനം  .

പരുക്കൻ  കളിയുമായി  പശ്ചിമ  ജർമ്മനി  റോസിയെ  പ്രതിരോധിക്കുന്നു . ആദ്യ  പകുതിയിൽ  കിട്ടിയ  പെനാൽറ്റി  , റോസ്സിയെടുക്കും  എന്ന്  കരുതിയവരെ  അമ്പരപ്പിച്ചു  കാബ്രിനി  വരുന്നു . ഗോൾ  ആവാതെപോയിട്ടും  ഒട്ടും  നിരാശരല്ലായിരുന്നു  ആരാധകരും  ടീമും  .

റോസ്സി  കളം  നിറഞ്ഞാടുമ്പോൾ  അവർക്ക്  ഗോളിനെ  കുറിച്ചാശങ്കകൾ  ഇല്ലായിരുന്നു  . പ്രതീക്ഷക്കൊത്ത്  രണ്ടാം പകുതിയിൽ  അവർ  റോസ്സിക്കെതിരെ  പടുത്തുയർത്തിയ  പ്രധിരോധ  മതിൽ  അയാൾ  പൊളിക്കുന്നു  . ഒരു  ഗോളിന്  ലീഡ്  .  കളി  അവസാനം  ഒന്നിനെതിരെ  മൂന്ന്  ഗോളുകൾക്ക്  ഇറ്റലി  മൂന്നാം  കിരീടം  നേടുന്നു .ടോപ്  സ്കോററും  മികച്ച  കളിക്കാരനും  അയാൾ  ആയിരുന്നു .പ്ലാറ്റിനിയും  സീക്കോയും  മറഡോണയും  കെമ്പസ്സും റുമേനിഗേയും  സോക്രടീസും  അയാളുടെ  കുതിപ്പിൽ  അന്ന് വീണ്  പോയി .           

അവജ്ഞതകളുടെയും  അവഗണയുടെയും  കാലത്തിൽ  നിന്ന്  ഉയർത്തെഴുന്നേറ്റു  നേടിയെടുത്തത്  ബുഡാപെസ്റ്റിലെ  ഗാലപ്പിംഗ്  മേജർ  പുഷ്‌കാസിനും  ലിസ്ബണിലെ  ബ്ലാക്ക്  പാന്തർ  യുസേബിയോക്കും  സുന്ദരമായ  ഫുട്ബോളിനെ  ആവാഹിച്ച  ആംസ്റ്റർഡാമിലെ  മന്ത്രവാദി സാക്ഷാൽ  ക്രൈഫിനും  സാധിക്കാത്ത  ഒന്നാണ്  അയാൾ  ആ പതിമൂന്നാം  തീയ്യതി  എത്തിപ്പിടിച്ചത് .

അന്ന്  മുതൽ  ടൂറിനിലെയും  ഫ്ലോറൻസിലെയും  നേപ്പിൾസിലെയും  തെരുവുകൾ ഇരുപതാം  നമ്പർ  ജേഴ്‌സിയും  ആക്രമണ  ഫുട്ബോളും  സ്വപ്നം  കണ്ടു  തുടങ്ങി .റോസ്സി  ഇറ്റാലിയൻ  മുന്നേറ്റ  നിരയിലെ  സമാനതകളില്ലാത്ത  പ്രതിഭയായിരുന്നു . ഇറ്റാലിയൻ  ജേഴ്സിയിലേക്ക്  ഒരു  സുവർണ  നക്ഷത്രം  കൂടി  തുന്നി  ചേർത്തവൻ . വരും  കാലങ്ങളിലെ  പ്രതിരോധ  മികവിൽ  ഇറ്റാലിയൻ  ഫുട്ബോൾ  അഭിരമിച്ചപ്പോൾ, ഓർക്കാതെ  പോയവൻ .

credit

 1,455 കാഴ്ച