ആയിഷ-19 ?

🎵 ഉള്ളടക്കം വായിച്ചു കേൾപ്പിക്കുക 🎵

സുന്നി, മുജാഹിദ്, മൗദൂദിസ്റ്റ്, തബ്ലീഗ് തുടങ്ങിയ ഒട്ടനവധി വിഭാഗങ്ങൾക്ക് പുറമെ  മുസ്ലിംകളിൽ ഇപ്പോളടുത്തായി വേറൊരു ഗ്രൂപ്പ്‌ കൂടി രൂപം കൊണ്ടിട്ടുണ്ട്.
ആയിഷ-19 എന്ന്  പുതിയ വിഭാഗത്തെ   പേര് വിളിക്കാം.

 വിശദീകരിക്കാനൊന്നുമില്ല, മുഹമ്മദ്‌ നബി ആയിഷയെ കല്യാണം കൂടുമ്പോൾ ആയിഷക്ക് 9 വയസ്സ് പോരാ, 19 വയസ്സെങ്കിലും ആയിക്കാണും എന്നാണ് വാദം. ഇന്റർനെറ്റ് വ്യാപകമായതോടെ മുസ്ലിംകളുടെ പ്രവാചകൻ, ആളൊരു പെഡോഫൈൽ ആണെന്ന് ലോകം മുഴുവൻ പാട്ടായി. നാണക്കേടിൽ നിന്ന് സ്വന്തം പ്രവാചകനെ രക്ഷിച്ചെടുക്കാനാണ് ആയിഷ-19 സിദ്ധാന്തം അടിയന്തിരമായി തട്ടിക്കൂട്ടിയത്. (കുരുന്നുകളിൽ രതിസുഖം കണ്ടെത്തുന്ന ലൈംഗിക വൈകൃതമാണ് പെഡോഫീലിയ. ഈ വൈകൃതമുള്ളവരെ പെഡോഫൈൽ എന്ന് വിളിക്കുന്നു)
കേരളത്തിൽ ഈ ഗ്രൂപ്പ്‌ പുതിയതാണ്, പക്ഷെ പാശ്ചാത്യ നാടുകളിൽ അല്പം മുമ്പേ ഇക്കൂട്ടർ രംഗത്തുണ്ട്. രൂപം കൊണ്ടപ്പോൾ തന്നെ പാരമ്പര്യ പുരോഹിതൻമാർ എടുത്തു ചവറ്റുകുട്ടയിലിട്ടിട്ടും  ഖുർആനിലെ ശാസ്ത്രീയ ഭ്രൂണം പോലെ കുറച്ചു പേർ അട്ടയെ പോലെ ആയിഷ- 19 ൽ കടിച്ചു പിടിച്ചു നിന്നത് കൊണ്ട് ഈയടുത്തായി കേരളത്തിലെത്തിയെന്നേയുള്ളൂ. 


അത് വിടാം. മരിച്ചു മണ്ണടിഞ്ഞ ഒരു യുവതിയുടെ പ്രായം നിശ്ചയിക്കുകയല്ല ഉദ്ദേശിക്കുന്ന വിഷയം. 
ലൈംഗികവൈകൃതങ്ങളിൽ ഏറ്റവും ഹീനമാണ്  പെഡോഫീലിയ എന്ന് ലോകം തിരിച്ചറിഞ്ഞിട്ടുണ്ട്.  ശാരീരികമായും മാനസികമായും  വളർച്ചയെത്താത്ത കുരുന്നുകളെ ലൈംഗിക വികാരത്തോടെ നോക്കുക പോലും ഒരു സാധാരണ മനുഷ്യന് സാധ്യമല്ലെന്നിരിക്കെ പ്രായമെത്താത്ത കുട്ടികളെ ലൈംഗികമായി പീഡിപ്പിക്കുന്നതിലെ നികൃഷ്ടതയെ അപലപിക്കാൻ വാക്കുകൾ മതിയാവാതെ വരികയേ ഉള്ളൂ. 

സ്വഹീഹു മുസ്‌ലിം
[ പേജ് 1006  വില രൂ
699
പുസ്തകം ഈ കണ്ണിയിൽ ലഭ്യമാണ്
 

http://nastiknation.org/product/swaheehu-muslim/

പരസ്യം


പക്ഷെ, ഇസ്ലാമിന്റെ ദിവ്യഗ്രന്ഥം ഈ ഹീനത ശരി വെക്കുന്നു എന്നറിയുമ്പോൾ ഖുർആനെ ശരിക്കും മനസ്സിലാക്കിയവർക്ക് അത്ര അത്ഭുതപ്പെടാനൊന്നുമാകില്ല. എങ്കിലും  ഇനി വായിക്കുന്നത് അല്പം ശ്രദ്ധാപൂർവമാകണമെന്ന് അപേക്ഷയുണ്ട്.
ഇസ്ലാമിൽ കല്യാണം വേർപെട്ട  സ്ത്രീകൾക്ക് ഇദ്ദ എന്നൊരു ആചാരമുണ്ട്. കല്യാണം കഴിഞ്ഞ ശേഷം ബന്ധം വേർപിരിഞ്ഞ സ്ത്രീകൾ മറ്റൊരു വിവാഹബന്ധത്തിൽ ഏർപ്പെടുന്നതിന് മുമ്പ് ഒരു നിശ്ചിത കാലം കാത്തിരിക്കണം. ഇതാണ് ഇദ്ദ എന്ന് അർത്ഥമാക്കുന്നത്. ഖുർആനിൽ   കാണുന്ന സൂചന ഇങ്ങനെയാണ്. 


“സത്യവിശ്വാസികളേ, നിങ്ങൾ  സത്യവിശ്വാസിനികളെ വിവാഹം കഴിക്കുകയും, എന്നിട്ട്‌ നിങ്ങളവരെ സ്പർശിക്കുന്നതിന്‌ മുമ്പായി  വിവാഹമോചനം നടത്തുകയും ചെയ്താൽ ‍ നിങ്ങൾ  എണ്ണികണക്കാക്കുന്ന ഇദ്ദഃ ആചരിക്കേണ്ട ബാധ്യത അവർക്കു നിങ്ങളോടില്ല” (ഖുർആൻ 33:49)


വിവാഹം കഴിഞ്ഞ ശേഷം ലൈംഗികമായി ബന്ധപ്പെടാത്ത സ്ത്രീകൾ ബന്ധം പിരിഞ്ഞാൽ അടുത്ത വിവാഹത്തിന് മുമ്പ് ഇദ്ദ ആചരിക്കേണ്ടതില്ല എന്ന് വ്യക്തമാക്കുന്ന വചനങ്ങൾക്ക് ശേഷം ആരൊക്കെ ഇദ്ദ അനുഷ്ടിക്കണം എന്ന്   ഖുർആനിൽ മറ്റൊരിടത്ത് ഇതിന്റെ തുടർച്ചയായി വീണ്ടും വരുന്നു.


“നിങ്ങളുടെ സ്ത്രീകളിൽ ‍ ആർത്തവം നിലച്ചവരുടെ കാര്യത്തിൽ അവരുടെ ഇദ്ദാകാലം മൂന്നു മാസമാണ്. ആർത്തവം തീരെ  ഉണ്ടാവാത്തവർക്കും  ഇത്ര തന്നെ. ഗർഭിണികളുടെ കാലാവധി അവർ ‍ പ്രസവിക്കുന്നതുവരെയാകുന്നു”. (ഖുർആൻ 65:4)


ആർത്തവം നിലച്ചവരുടെ  കാര്യത്തിൽ  എന്ന പരാമർശത്തിന് തൊട്ടു പിറകെ ആർത്തവം തീരെ ഉണ്ടാവാത്തവർ എന്നൊരു വിഭാഗത്തെക്കുറിച്ചും  വചനത്തിൽ സൂചനയുണ്ട്. ആരാണ് ഈ വിഭാഗം?   ആർത്തവം തീരെ ഉണ്ടാവാത്ത ഒരു കുട്ടി വിവാഹം കഴിഞ്ഞതിന് ശേഷം ബന്ധം വേർപിരിഞ്ഞാൽ  അവളും ഒരു ഫിക്സഡ് ആയ സമയം പുനർ വിവാഹം ചെയ്യാതെ ഇദ്ദ അനുഷ്ടിക്കണം എന്ന്  വരുമ്പോൾ വല്ലാത്ത ഒരു ശരികേട് അനുഭവപ്പെടുന്നു. പ്രത്യേകിച്ചും വിവാഹത്തിൽ  പരസ്പരം ലൈംഗികമായി ബന്ധപ്പെട്ടവർക്ക് മാത്രമേ ഇദ്ദ ബാധകമാവുള്ളൂ എന്ന് ഖുർആൻ വ്യക്തമാക്കിയ നിലക്ക്.!? 
തഫ്സീറുകളിലേക്ക് കടക്കുമ്പോഴാണ് ഈ വചനം ചീഞ്ഞളിയുന്നത്. ഖുർആൻ 65:4:   പ്രാമാണികരായ ഖുർആൻ വ്യാഖ്യാതാക്കൾ എല്ലാം ആർത്തവം ഉണ്ടാവാത്ത സ്ത്രീകൾ എന്ന പരാമർശത്തിന് “ആർത്തവപ്രായം എത്താത്ത കൊച്ചു കുട്ടികൾ” എന്നാണ് അർത്ഥം പറഞ്ഞിരിക്കുന്നത്. ഓരോരുത്തരുടെയും ഉദ്ധരണികൾ പോസ്റ്റിൽ ചേർത്താൽ വല്ലാതെ നീണ്ടു പോവും. മേലെ സൂചിപ്പിച്ച   അർത്ഥം പറഞ്ഞ വ്യാഖ്യാതാക്കളുടെ പേര് വിവരങ്ങൾ മാത്രം ചുവടെ നൽകാം. ഉദ്ധരണികൾ ആവശ്യമുള്ളവർക്ക് പേര് പറയുന്ന വ്യാഖ്യാതാക്കളുടെ തഫ്സീർ പരിശോധിച്ച് ഉറപ്പ് വരുത്താം. അതിന് സാധ്യമല്ലാത്തവർക്ക് കമന്റ് ബോക്സിൽ ആവശ്യപ്പെടാം. 

  • 1. ഇമാം തബരി
  • 2: ജലാലൈൻ  
  • 3: ഇബ്ൻ കസീർ
  • 4: അൽ ശൗകാനി
  • 5: അബു ഹയ്യാൻ  
  • 6: ഇബ്ൻ അബ്ബാസ്
  • 7: തബ്റാസി.

തുടരുന്നു….. മുസ്ലിം ലോകം ആധികാരികമായി അംഗീകരിച്ച പ്രാമാണികരാണ് എല്ലാം. എല്ലാവർക്കും ഒരേ അഭിപ്രായമാണ്. “ആർത്തവം നടക്കാത്ത” എന്ന ഖുർആൻ വചനം പരാമർശിക്കുന്നത് പ്രായപൂർത്തിയാവാത്ത കുട്ടികളാണ്. ഓർക്കുക, ഈ കുട്ടികളെ ലൈംഗിക ബന്ധം ഉൾപ്പെട്ട ഒരു വിവാഹം പിരിഞ്ഞ ശേഷം മറ്റൊന്നിന് കാത്തിരിക്കേണ്ട അവധിയാണ് ഖുർആൻ നിർദ്ദേശിക്കുന്നത്. എത്ര ക്രൂരമാണ്…!!
താരതമ്യേന ആധുനികമായ മൗദൂദിയുടെ തഫ്സീർ കൊണ്ട് അവസാനിപ്പിക്കാം. 


“ഖുർആനിൽ ആർത്തവമുണ്ടായിട്ടില്ലാത്ത  പെൺകുട്ടികളുടെ ഇദ്ദ കാലം  പരാമർശിക്കുന്നതിനാൽ  ഇത്രയും  ചെറിയ  പ്രായത്തിൽ പെൺകുട്ടിയെ വിവാഹത്തിൽ നൽകുന്നത് അനുവദനീയമാണെന്ന്  മാത്രമല്ല, ഭർത്താവ് അവളുമായി വിവാഹം പൂർത്തിയാക്കുന്നത് (ലൈംഗിക ബന്ധത്തിലേർപ്പെടുന്നത്) അനുവദനീയമാണെന്നും വ്യക്തമാകുന്നു.  ഖുർആൻ അനുവദിച്ച  ഒരു കാര്യം നിരോധിക്കാൻ  ഒരു മുസ്‌ലിമിനും അവകാശമില്ല.” (മൗദൂദി-തഫ്ഹീമുൽ ഖുർആൻ/ ഖുർആൻ 65:4 ന്റെ തഫ്സീർ)


ഒരു അനിഷ്ടത്തിന്റെ ലാഞ്ചനപോലുമില്ലാതെ മൗദൂദി ഖുർആൻ വിശദീകരിച്ചു കുറിച്ചത് കണ്ടല്ലോ. കൃത്യവും സത്യസന്ധവുമായി പുരോഹിതൻ കാര്യം പറഞ്ഞു വെച്ചിരിക്കുന്നു. അല്ലാഹു പ്രായപൂർത്തിയെത്താത്ത കുട്ടികളെ കല്യാണം കഴിക്കാനും അവരെ ഭോഗിക്കാനും അനുവാദം തന്നിരിക്കുന്നു.
മൗദൂദിയെ അംഗീകരിക്കുന്നവരും അല്ലാത്തവരും ഉണ്ട്. ആരെക്കൊണ്ടും ബലമായി അംഗീകരിപ്പിക്കാനല്ല  അദ്ദേഹത്തെ ഉദ്ധരിച്ചത്.  ഏറ്റവും പ്രാമാണികരായ ഖുർആൻ വ്യാഖ്യാതാക്കൾ തൊട്ട് ആധുനികമായ ഇസ്ലാമിക പൗരോഹിത്യം വരെ ഇക്കാര്യത്തിൽ ഒരേ അഭിപ്രായക്കാരാണ് എന്ന് അറിയിക്കുകയായിരുന്നു ഉദ്ദേശ്യം. 


പെഡോഫീലിയ പോലെ നിന്ദ്യമായ ഒരു ലൈംഗിക വൈകൃതത്തിന് അംഗീകാരം നൽകുന്ന ഖുർആൻ ആർക്ക് വേണ്ടി ആരെഴുതിയ ക്ഷുദ്രമാണ്?

Copied .. credit : unknown

 19,056 കാഴ്ച

One thought on “ആയിഷ-19 ?

  1. എന്താണ് സംഭവിക്കാൻ പോകുക? അടുത്ത കാലത്തൊന്നും ബി.ജെ.പി അധികാരത്തിൽ നിന്ന് ഇറങ്ങില്ല, മോദിയുഗം കഴിഞ്ഞാൽ മറ്റൊരാൾ, കോൺഗ്രസിനോ മറ്റ് പ്രതിപക്ഷപാർട്ടികൾക്കോ ബി.ജെ.പി യെ തളക്കാനാകില്ല. അവസാനം ഇന്ത്യതന്നെ ഹിന്ദുത്ത രാഷ്ടമാകും. പിന്നെയും മുന്നോട്ട് പോയാൽ ഇന്ന് നമ്മുക്കുള്ള നിയമം മാത്രം മതി ഖുറാൻ നിരോധിക്കാൻ. പ്രായപൂർത്തിയാകാത്ത കുട്ടിയെ വിവാഹം കഴിക്കാൻ നിർദ്ദേശിക്കുന്ന കുറ്റത്തിന് പ്രതികൾ കണ്ടുകെട്ടുകയും ചെയ്യാം. കുറെ ചോരപ്പുഴയൊഴുകും. ചിലപ്പോൾ വർഷങ്ങൾ കുറെ കടന്നുപോകും. അവസാനം ഇസ്‌ളാം മതം തന്നെ ഇന്ത്യയിൽ നിരോധിക്കും. ബി.ജെ.പിയുടെ വളർച്ചയുടെ കാരണം തന്നെ ഇന്ത്യയിലെ മുസ്‌ലീങ്ങളുടെ ഹീനമായ നടപടികളായിരുന്നു, ബാക്കി കോൺഗ്രസിന്റെ കൈയ്യിലിരിപ്പും.

മറുപടി രേഖപ്പെടുത്തുക

താങ്കളുടെ ഇമെയില്‍ വിലാസം പ്രസിദ്ധപ്പെടുത്തുകയില്ല.

yerdu logo