“ഫസ്റ്റ്ബെൽ’ ഓൺലൈൻ ക്ലാസിന്റെ തുടർപാഠങ്ങൾ തിങ്കളാഴ്ച മുതൽ വിക്ടേഴ്സ് ചാനലിൽ സംപ്രേഷണം ചെയ്യും. വിക്ടേഴ്സ് ചാനലിന് പുറമെ ഫെയ്സ്ബുക്കിലെ victerseduchannel ൽ ലൈവായും യുട്യൂബിൽ itsvicters ലും ക്ലാസുകൾ കാണാം.
ഇംഗ്ലീഷ് വാക്കുകൾ എഴുതിക്കാണിക്കും. ഹിന്ദി, ഇംഗ്ലീഷ് തുടങ്ങിയ ഭാഷാ ക്ലാസുകളിൽ മലയാള വിശദീകരണവുമുണ്ടാകും. തമിഴ് മീഡിയം ക്ലാസുകൾ youtube.com/drcpkd ലിങ്കിലും കന്നട മീഡിയം ക്ലാസുകൾ youtube.com/KITEKasaragod ലിങ്കിലും ലഭ്യമാക്കും.
ഭിന്നശേഷി വിദ്യാർഥികൾക്കുള്ള ക്ലാസുകളും ഉടൻ ആരംഭിക്കും. തിങ്കൾ, ചൊവ്വ, ബുധൻ ദിവസങ്ങളിലെ വിഷയാധിഷ്ഠിത ടൈംടേബിൾ കൈറ്റ് വെബ്സൈറ്റിലുണ്ട് (www.kite.kerala.gov.in).
ഓൺലൈൻ ക്ലാസുകളുടെ മുന്നൊരുക്കങ്ങൾ കാണാൻ സ്പീക്കർ പി ശ്രീരാമകൃഷ്ണൻ ഞായറാഴ്ച വിക്ടേഴ്സ് ആസ്ഥാനം സന്ദർശിച്ചു.
223 കാഴ്ച