മധുരപ്പതിനേഴ്

സമൂഹമാധ്യമത്തിൽ പങ്കിടുക

🎵 ഉള്ളടക്കം വായിച്ചു കേൾപ്പിക്കുക 🎵

മധുരപ്പതിനേഴ്
,,,,,,,,,,,,,,,,,,,,,,,,,,,,,,,,

നമുക്കൊരു
പതിനേഴുകാരിയെ വരയ്ക്കാം.

തളിർത്ത
കാടുപോലൊരു
പതിനേഴുകാരി.

തിളങ്ങുന്ന കണ്ണ് ,
കരിമഷിയെഴുതിയത് .

നെറ്റിയിലേ-
ക്കൂർന്നു വീണോരു
ചുരുൾമുടി .

തിളങ്ങുന്ന
വയലറ്റ് ബ്ലൗസ് ,
ചുവന്ന പട്ടുപാവാട .

ചുണ്ടിലൊരു
മൂളിപ്പാട്ട് .
കണ്ണിലൊരു
കടലോളം സ്വപ്നങ്ങൾ .

സ്വർണ്ണ നിറമാർന്ന
കണങ്കാലിൽ
ഒരു വെള്ളിപ്പാദസ്വരം.

ഒരു നൃത്തച്ചുവട് .

നിങ്ങളിപ്പോൾ പറയും
വൗ , എന്തൊരു മൊഞ്ചത്തിയെന്ന് ,
കൈയിലൊരു
റോസാപ്പൂ കൂടി
വരച്ചുകൂടെയെന്ന് .

നിങ്ങൾക്ക് നേരേ
നീട്ടിപ്പിടിച്ചിരിക്കുന്നോരു
ചുവന്ന റോസാപ്പൂ ,
ഇതളുകളിൽ
മഞ്ഞുകണങ്ങളിറ്റു വീഴുന്നത് .

ഇല്ല , ഇവൾക്കത്
പിടിക്കാനാവില്ല .

കയ്യിലൊരു കുഞ്ഞുണ്ട്,
വിധവയാണവൾ .

കവിളത്ത്
രണ്ട് കണ്ണുനീർച്ചാലുകൂടി
നമുക്ക് വരച്ച് ചേർത്തേക്കാം .

       ലാലു കെ ആർ

 211 കാഴ്ച


സമൂഹമാധ്യമത്തിൽ പങ്കിടുക

മറുപടി രേഖപ്പെടുത്തുക

താങ്കളുടെ ഇമെയില്‍ വിലാസം പ്രസിദ്ധപ്പെടുത്തുകയില്ല.

yerdu logo